Батырҙарын иҫкә ала иҙристәр!

Үрге Иҙрис ауылы халҡының хыялы тормошҡа ашты. Ниһәйәт, Бөйөк Ватан һуғышында һәләк булған һәм һуғыштан имен-һау ҡайтҡан ветерандар иҫтәлегенә һәйкәл төҙөп тапшырылды. Бөйөк Еңеүҙең 75 йыллығына арналған ҙур күләмле эште ауыл халҡы атҡарып сыҡты.

Таҡташҡа уйып яҙылған исем-фамилияларҙы дөрөҫләү, мәғлүмәттәрҙе аныҡлау эшен башҡарған ауыл Советы депутаты Алмас Танһыҡ улына, проектты тәҡдим итеүсе, һәүәҫкәр рәссам, оҫта тимерсе, иретеп йәбештереүсе Әмир Һатыбал улына ауылдаштары ҙур рәхмәттәрен белдерә.

Афарин, Үрге Иҙрис ауылы халҡы!