Баймаҡта тағы ла бер стела төҙөлә башланы

Баймаҡ ҡалыһының Салауат Юлаев исемендәге мәҙәниәт һәм ял паркында Ватан һаҡсыларына, Рәсәй Ҡораллы Көстәре ғәскәрҙәренә бағышланған иҫтәлекле аллеялар булдырыу эштәре дауам итә. Бөгөн унда ил сиге һаҡсыларына, һауа-десантсыларға бағышланған стелалар бар. 4 октябрҙә иһә тағы ла бер ҙур башланғысҡа старт бирелде - Рәсәй Эске эштәр министрлығының эске ғәскәрҙәренә арналған стела төҙөлә башланы. Уны сафҡа индереүҙә Баймаҡ районының “Хәрби туғанлыҡ” ойошмаһы егеттәре әүҙем ҡатнаша. Стела эске эштәр ғәскәре ветерандарының иҫәбенә төҙөлә.