Халыҡ батырҙарын онотмай

Баймаҡ ҡалаһының Салауат Юлаев проспектындағы 17-се йорт фасадында легендар командир, Рәсәй Геройы Миңлеғәле Шайморатовтың һүрәте төшөрөлгәйне. Уны халыҡ Бөйөк Еңеүҙең 75 йыллығына оло бүләк итеп ҡабул итте. Ошо көндәрҙә тағы ла бер герой яҡташыбыҙ Әҙеһәм Әлибаевтың һүрәте күп ҡатлы йорттоң фасадына төшөрөлә башланы. Әйткәндәй, ҡаланың бер урамы тап уның исемен йөрөтә лә инде. Әҙеһәм Ғәли улы 26 ғына йәшендә һәләк була. Ҡыҫҡа ғына ғүмерендә ул халыҡ хәтерендә мәңге ҡалырлыҡ батырлыҡ, ҡаһарманлыҡ аҙымдары яһай.