Әсәйем өсөн

Әсәйем өсөн.

Елдәр, ҡаҡты бурандары..

Өйөбөҙҙе өшөтмәнең.

Күҙ йәштәрен түккәндәрҙе

Үҙ янына иш итмәнең.

Көслөләрҙе ниңә яҙмыш

Яңғыҙ итә ул ни өсөн?

Ҡабат тыуһаң ине әсәй

Йәшәр өсөн үҙең өсөн.

Яңғыҙ йәнең әле һаман,

Өҙгөләнә беҙҙең өсөн.

Ғүмерем буйы йырлап туймам

Әсәй йәнем, шуның өсөн.

Йоҡоларың бүленгәндер

Ҡара төндә беҙҙең өсөн,

Бәхет ингән төштәреңдә

Өҙөлгәндер беҙҙең өсөн.

Көслөләрҙе ниңә яҙмыш

Яңғыҙ итә ул ни өсөн?

Ҡабат тыуһаң ине әсәй

Йәшәр өсөн үҙең өсөн.

Яңғыҙ йәнең әле һаман,

Өҙгөләнә беҙҙең өсөн.

Ғүмерем буйы йырлап туймам,

Әсәй йәнем, шуның өсөн.

Иркәләүҙәр, наҙҙар менән,

Үтелмәгән иртә, кисең.

Кем бәхетле булды инде,

Әсәй ерҙә һинең өсөн?

Көслөләрҙе ниңә яҙмыш

Яңғыҙ итә ул ни өсөн?

Ҡабат тыуһаң ине әсәй

Йәшәр өсөн, үҙең өсөн.

Яңғыҙ йәнең әле һаман,

Өҙгөләнә беҙҙең өсөн.

Ғүмерем буйы йырлап туймам

Әсәй йәнем, шуның өсөн.

Әсәй йәнем, һинең өсөн..