Шулай ҙа була!

Бөгөн магазин асылыу менән өлкән йәштәге ағай килеп инде. “Кисә ошо кассала ултырған ҡыҙ ҡайҙа икән?”-тип һораны.

“Иртәнсәктән һатып алыусыларҙың ялыуы башланды”,- тинем эстән генә.

Ағай һүҙен дауам итте: ”Ул кисә миңә сдачаны 200 һумға артыҡ биргән. Кеҫәһенән түләттеләр инде, тип төнө буйы ҡайғырып сыҡтым. Бына, аҡсаны алып килдем”.

Мин дә, беҙҙең администратор ҡыуаныстан көлөп ебәрҙек. Әрләнеп кенә өйрәнгәс, был беҙгә сюрприз булды. Күберәк булһын ине шундай кешеләр!

Айлина.