Ишмырҙала. . .

#100шаговКРодномуСлову #ТыуғанТелгә100аҙым#

#ДеньРеспублики#РеспубикаКөнө#

#ИшмурзинскаяСельскаяБиблиотека#ИшмырҙаАуылКитапханаһы

9 октябрь Ишмырҙа ауыл мәҙәниәт йортонда "Алтын тирмә" уйын кисәһе үтте. Сара "Тыуған телгә 100 аҙым" проекты сиктәрендә һәм Республика көнөнә арналды. Был кисәлә ауыл ҡатын - ҡыҙҙарынан торған "Илһөйәрҙәр" һәм "Башҡорт ҡыҙҙары" командалары көс һынашты. Ярышта ҡатнашыусылар тәүҙә үҙ командалары менән таныштырҙылар, бер - береһен сәләмләнеләр һәм сараның төп өлөшө - тапҡырлыҡты, зирәклекте, отҡорлоҡто һынауҙа, халҡыбыҙҙың аң - белемен, даирәһен киңәйтеүсе уйын - кисә "Алтын тирмә" һынауҙары аша белемдәрен күрһәттеләр. Ауыр ғына һорауҙар булыуға ҡарамаҫтан командалар һорауҙарҙы яуапһыҙ ҡалдырманылар. Көсөргәнешле уйында дуҫлыҡ еңде. Командалар иҫтәлекле буләктәр менән бүләкләнде. Сара "Башҡортостан - тыуған ерем" йыры менән тамамланды.

"Алтын тирмә" уйыны күңелдәрҙә матур хәтирә булып оҙаҡ һаҡланыр тигән ышаныста ҡалабыҙ, сөнки ошондай саралар белемде арттыра, рух - дәрт оҫтәй, халҡым йолаларын онотмаҫҡа, шағир, яҙыусыларҙың тормошон, ижадын, тыуған Башҡортостаныбыҙҙың тарихын тулыраҡ белергә ярҙам итә.