Ирәндек моңдары - 2020

10 августан 11 тиклем, башҡорт халыҡ йырҙарын башҡарыусыларҙың «Ирәндек моңдары» төбәк –ара бәйгеһе нең 1- се туры үтте. Конкурстың төп маҡсаты--башҡорт халҡының бай йыр мираҫын һаҡлау, юғары һөнәри кимәлгә эйә таланттар асыу, һәләтле йәштәргә ярҙам итеү, халыҡсан башҡарыу традицияларын һаҡлау һәм үҫтереү, башҡорт фольклорының боронғо ҡатламдарын тергеҙеү, республиканан ситтә йәшәүсе башҡорттар менән төбәк-ара мәҙәни бәйләнеште үҫтереү.

Ике көн барған бәйгелә 183 конкурсант үҙ –ара көс һынашты. 56 бала араһынан, Әбйәлил, Баймаҡ, Балтас, Туймазы, Ишембай райондары, Сибай ҡалаһынан Гала - концертҡа 11 конкурсант үтте. 17 йәштән 65 йәшкә тиклемге һәүәҫкәр башҡарыусылар арһынан 53 ҡатнашыусы финалға сыҡты. 17 йәштән 45 йәшкә тиклемге 23 профессиональ йырсы үҙ бәхетен һынап ҡараны. Гала –концерт 19 августа Сибай ҡалаһының Үҙәк майҙанында ойошторола. Еңеүсе бәйгенең төп призы - автомобилгә лайыҡ була.

Сығанаҡ: https://vk.com/wall-108520876_139806