Балалар баҡсаларында - башҡорт һәм татар телдәрендә һөйләшкән планшет-смартфондар!

"БашТой" ЯСЙ-һының етәксеһе Фәнзил Әҙелбаев:

- Был проектты ғәмәлгә ашырыуҙы 2019 йылдың йәйендә үк башланыҡ. Ҙур ғына халыҡ-ара компание менән контракт төҙөнөк. Әле уларҙың продукцияһы 80-дән ашыу илдә ҡулланыла, 40-тан ашыу телдә яңғырай. Интерактив уйынсыҡтарҙан музыкаль плеерҙар һәм смартфончиктар, микрофондар, планшеттар, музыкаль уйынсыҡтар, плакаттар һ.б., шулай уҡ электрон модулле төрлө-төрлө китаптар һ.б. Беҙ 40-лаған ҡыҫҡа йырҙар, 80-ләгән ике юллыҡ шиғырҙарҙы башҡорт һәм татар телдәрендә яҙҙырҙыҡ. Төҫтәрҙе, һандарҙы, хайуан исемдәрен һөйләттек. Барлыҡи шиғырҙар һәм йырҙар махсус был проект өсөн яҙылған. Алфавит та ике телдә яңғыраны. Уйынсыҡтарҙың дизайны ла айырылып тора. Ә бындай туған телдә һөйләшеүсе уйынсыҡтарҙы етештереү идеяһы үҙем атай булғас барлыҡҡа килде.

Уйынсыҡтар Санкт- Петербургта һынау үтте һәм хәүефһеҙлек сертификаты алды. Бындай планшет һәм смартфондар тиҙҙән мәктәпкәсә белем биреү учреждениеларына тиҙҙән бушлай тарата башлаясаҡтар.

"БашТой" ЯСЙ-һы вәкилдәре әйтеүенсә, балалар баҡсаларын тәьмин итеп бөткәндән һуң проект дауам итәсәк. Был юлы уны һатыуға сығарасаҡтар.