Бөтә яңылыҡтар

Башҡорт теленән халыҡ-ара диктантҡа әҙерһегеҙме?

Иртәгә 25 апрелдә 11:00 сәғәттә Башҡорт теленән халыҡ-ара диктант була. Быйыл ул илдәге һуңғы ваҡиғаларға бәйле онлайн форматта үтә.

Бындай халыҡ-ара диктант тәүге тапҡыр 2019 йылда үткәрелде. Ул ваҡытта ҡатнашыусылар һаны 69 687 кеше булды. Улар араһында 3 511-е онлайн майҙансыҡта яҙҙы. Сағыштырыу өсөн: әлегә быйыл Халыҡ-ара диктантта ҡатнашыу өсөн заявка биргәндәр һаны -- 67 000.
Теркәлгәндәр араһында Санкт-Петербург, Свердловск, Силәбе өлкәһе, Первоуральск, Каменск-Уральский, Екатеринбург, Кировоград, Мәскәү, Ноябрьск ҡалаларынан, Яҡутстандан һәм Краснодар крайынан вәкилдәр бар. Шулай уҡ башҡа илдәргә килгәндә, Үзбәкстан, Ҡаҙағстан (Нурсолтан, Алма-Ата) республикаларынан, Швейцария (Женева), АҠШ (Лос-Анджелес, Нью-Йорк), Германия, Испания, Эстония, Төркиә (Стамбул, Анталия, Фетхие, Эскешихер), Германия (Берлин), Ҡытай (Пекин, Гуанчжоу) илдәрендә йәшәгәндәр ҙә ҡатнаша.

Диктант яҙыуға ҡушылыу өсөн:
1. БСТ телеканалын яндырығыҙ.
2. «Бәйләнештә» (https://vk.com/video-27097047_456247151 ), «Instagram», видеохостинг «YouTube» (https://youtu.be/XTaPHuXGLvA ) социаль селтәрендә;
3. https://bashkdictant.ru сайтына инергә була.

Диктант яҙыуҙа ҡатнашыусылар шулай уҡ #БашДиктант2020 хештегын ҡуйып, фото төшөп, инстаграмда Башҡорт телен һаҡлау һәм үҫтереү фонды диуары һылтанмаһын @bash_fond ҡуйырға була. Иң яҡшы фотолар БСТ эфирында трансляцияланасаҡ.
Ойоштороусылар ошондай хештегты ҡуйғандар араһында иң үҙенсәлекле публикацияларҙы иҫтәлекле бүләктәр менән бүләкләйәсәк.
Диктанттың тура трансляцияһын:
- 11:00-11:25 сәғәттә башҡорт телен башлап өйрәнеүселәр өсөн;
- 11:30-11:55 сәғәттә башҡорт телендә ирекле аралашыусылар өсөн;
- 12.00-12.20 сәғәттә башҡорт телендә төньяҡ-көнбайыш диалектта аралашыусылар өсөн.
Диктант яҙыуҙа ҡатнашыу өсөн https://bashkdictant.ru/ сайтында теркәлер кәрәк.
Һәр ҡатнашыусы диктантты үҙ аллы өйөндә яҙа. Диктантты яҙып бөткәс, фотоға төшөрөп йәки сканерын алып, https://bashkdictant.ru/ сайтындағы кабинетығыҙға инеп, ебәрегеҙ. Бындай мөмкинлек булмаһа, bashkdiktant2020@mail.ru электрон почтаһына йә Whatsappтың +7 (927) 950 - 02 - 66 һанына 2020 йылдың 26 апрелендә 23:59 сәғәткә тиклем ебәрергә мөмкин. Акцияның һөҙөмтәһе https://bashkdictant.ru/ сайтында 30 көн эсендә баҫылып сыға.