"Һаҡмар"ға яҙылайыҡ!

“Һаҡмар”ҙы – һәр йортҡа!”

Баймаҡ районы башҡорттары ҡоролтайы башҡарма комитеты “Һаҡмар”ҙы – һәр йортҡа!” исемле конкурс иғлан итте. Өмөтбай ағинәйҙәре был бәйгегә ҡушылып дәррәү гәзиткә яҙылды һәм "Һаҡмар" гәзитенә яҙылайыҡ - милләтебеҙҙе ҡурсалайыҡ!, - тигән эстафета иғлан итткәйне.

Был бәйге ауыл биләмәләре араһында ойошторола һәм “Һаҡмар” гәзитен халыҡ араһында киң пропагандалауҙы, уның тиражын арттырыуҙы маҡсат итеп ҡуя.

Конкурстың положениеһына ярашлы, район баҫмаһына иң күп яҙылған (һөҙөмтә халыҡ һанына ҡарап билдәләнә) ауыл биләмәләре араһында 1, 2, 3-сө урындар билдәләнә. Еңеүселәр аҡсалата премиялар менән бүләкләнәсәк.

Әйҙәгеҙ, ауылдаштар, “Һаҡмар” гәзитен һәр йортҡа еткереү өсөн бар көсөбөҙҙө һалайыҡ, конкурста әүҙем ҡатнашайыҡ!

Райхана Булатова,

Билал ауылы китапханасыһы.