Башҡорт ҡаны аға тамырымдан

Тамырымдан аға башҡорт ҡаны,Башҡорт йәне тулай тәнемдә.Йөрәгемде биләй халҡым рухы,Сәңгелдәктән яҡын күңелгә.. . Дауамы беҙҙең сайтта.

Башҡорт ҡаны аға тамырымдан...

Тамырымдан аға башҡорт ҡаны,

Башҡорт йәне тулай тәнемдә.

Йөрәгемде биләй халҡым рухы,

Сәңгелдәктән яҡын күңелгә.

Ҡурай моңо арбай, албырғата,

Быуындарҙан күскән быуынға.

Көй- моңдары күңелемә һеңгән,

Мин ғашиҡмын башҡорт йырына.

Тамырымдан башҡорт ҡаны аға,

Башҡортлоғом – иң ҙур ғорурлыҡ.

Тәү ҡат тәпәй баҫҡан еркәйемдән

Ғәзизерәк бүтән урын юҡ.

Башҡортлоғом күскән быуаттарҙан,

Туған телем- иң ҙур уңышым.

Мираҫ миңә халҡым сифатының

Ябайлығы – бөтә булмышым.

Миңзәлә Хәлилова (Баишева).

Читайте нас:

Редакция һайлауы