Бәпәй туйы

Япраҡтарҙа - бәпәй еҫе, Ут-йәшелдән - йәшәү төҫө. . .

Бәпәй туйы

Япраҡтарҙа - бәпәй еҫе,

Ут-йәшелдән - йәшәү төҫө,

Лепкә кеүек йоҡа ғына,

Ҡайҙан ала йәшәү көсөн?

Япраҡтарҙа - бәпәй еҫе,

Инәләре - тын шатлыҡта,

Муйылдарҙың һөтө ташҡан,

Күҙ сағыла саф аҡлыҡтан.

Япраҡтарҙа - бәпәй еҫе,

Ҡырауҙан да ҡурҡмағандар,

Ғүмер биргәс, йүнен бирер,

Тәүәккәлгә ҡот-таған бар.

Япраҡтарҙа - бәпәй еҫе,

Һәр беренең - үҙ өлөшө,

Һутлы тупраҡ емләп тора,

Ҡойондора ләйсән төшөп.

Япраҡтарҙа - бәпәй еҫе,

Ҡыуаныстан яҙ туй ҡормош,

Бәпәй тыуыу шатлығынан

Күктәр салют атып тормош -

Дауам итә ерҙә тормош.

https://vk.com/wall-21462612_52262

Читайте нас:

Редакция һайлауы