Ваҡытығыҙҙы нисек уҙғараһығыҙ?

Райхана Булатова, Билал ауылы китапханасыһы: "Илебеҙгә киләгән афәтте һәр кем үҙенсә фараз итә. Интернетта ниндәй генә яҙмалар юҡ. Бигерәк тә, васаптан килгән яҙмаларҙан сәстәр үрә тора. Ошо арала күп кешеләр, ауылдаштар менән телефон, интернет аша аралаштым. Ауыл ерендә эш етәрлек инде ул. Кемдер өй эсендәге эш менән мәшғүл, кемдер ҡул эштәре менән булыша. Күптәр китап уҡый икән. Тап карантин ваҡытында, өйҙә булғанда китап уҡығыҙ. Төрлө интернет бәйгеләрҙә ҡатнашығыҙ. Мәҫәлән, Башҡортостандың халыҡ шағиры Абдулхаҡ Игебаевтың тыуыуына 90 йыл тулыуға арналған төбәк-ара шиғыр һөйләүселәр интернет-бәйгеһенә әҙерләнеп, шиғырҙарын ятлай тороғоҙ. Билал ауыл китапханаһы иғлан иткән "Һәр кем уҡырға тейешле 100 китап", йә булмаһа, республикала барған "Башҡорт телендә 100 китап" акцияларына ҡушылылып төрлө башҡортса китаптар уҡығыҙ, китаптарығыҙ булмаһа интернет аша ла уҡырға мөмкин. Шулай уҡ, Бөйөк Еңеүҙең 75 йыллығына "Һуғыш тураһында 75 китап" акцияһына ла ҡушып китаптар уҡый алаһығыҙ".