Урғаҙалар эстафетаны йомаштарға тапшырҙы

Башҡорт теле йылы сиктәрендә иғлан ителгән эстафета 17 мартта Урғаҙа мәктәбендә дауам итте. Уларҙан йомаштар тантаналы шарттарҙа ҡабул итеп алды.

Байрам Бөйөк Ватан һуғышы геройы Иван Тимофеевич Пименев бюсы янында башланды. Уҡыусылар шиғырҙарын һөйләп ҡыуандырҙы.

Урғаҙалар ҡунаҡтарҙы мәктәп эсендә дәртле йыр һәм икмәк менән ҡаршы алды. Икенсе ҡатта башланғыс кластар ҡатнашлығында музыкаль композиция ҡуйылды. Шунда уҡ балалар башҡорт милли уйынындарын күрһәтте.

Артабан байрам тамаша залында барҙы.

Балалар ҡунаҡтарға матур йыр-бейеүҙәрҙән бүләк итте. Байрам һуңында бөтә ҡатнашыусылар ҙа бергәләп “Башҡорт телендә һөйләшәм” йырын башҡарҙы. Сара һуңында Йомаш мәктәбе директоры Мырҙабулатов Р.Р. урғаҙаларҙан эстафетаны ҡабул итеп алды.