Башҡорт теле - ғаилә теле

Икенсе Этҡол мәктәбендә "Башҡорт теле - ғаилә теле" исемле бик матур сара үткәрелде. Был көн сәхнә түрен Фәниә менән Рәфҡәт Ишбулатовтар, Гөлнур менән Рәшит Йылҡыбаевтар, Мәрйәм менән Рәмил Әлмөхәмәтовтар биҙәне.

Шулай уҡ тантанабыҙға "Ағинәйҙәр" ойошмаһы йәм өҫтәп торҙо. Улар ҡул эштәренән, башҡорт милли ризыҡтарынан бай күргәҙмә ойошторҙолар, ғаилә тураһында мәҡәлдәр әйттеләр, йырҙар йырланылар. Мәктәп ветерандары уҡыусыларға үҙҙәренең теләктәрен еткерҙеләр, башҡорт рухлы булып үҫеүҙәрен теләнеләр.

Тәрбиәүи сара һуңында Р.Ғариповтың һүҙҙәренә ауылдашыбыҙ Б.Хәйретдинов көй яҙған йыр -- "Тыуған тел"де йырын бергәләп башҡарҙыҡ. Тантана табын артындағы йәнле һөйләшеү менән тамамланды.