Беҙ "Һаҡмар"ға яҙылдыҡ!

Ишейҙә башҡорт матбуғатын яратып уҡыусылар күп. Шунлыҡтан улар милли телдә һуғарылған баҫмаларҙы яратып алдыра. Ошо көндәрҙә урындағы мәктәптә "Һаҡмар", "Йәшлек" гәзиттәренә, “Ағиҙел”, “Аҡбуҙат” журналдарына киләһе йылға яҙылыу ойошторолоп, милли матбуғатыбыҙға тос өлөш индерҙе ишейҙәр. Яҙылыу ғына түгел, бүләктәр ҙә оттолар. Уларҙы мәктәп мөдире Венера Морат ҡыҙы, клуб мөдире Миңзифа Яҡшылыҡ ҡыҙы, почтальон Фәйрүзә Ғизитдин ҡыҙы һәм гәзиттәрҙең хәбәрсеһе, ауылдашыбыҙ Земфира Морат ҡыҙы әҙерләне. Ҡатын-ҡыҙҙар биҙәүестәренә һатыу ойошторолдо. Бөгөнгө сара бик күңелде булды, рәхмәт ауылдаштарға.

Венера Ҡасҡынова.