Бөтә яңылыҡтар
16 Декабрь 2019, 17:55

Нигеҙ ҡото - сысҡан йылы

Яңы йыл конкурсы!Хөрмәтле дуҫтар, көньяҡ календары буйынса киләһе йыл ниндәй йылды ҡаршылаясаҡбыҙ? Дөрөҫ, тимер сысҡан (ҡомаҡ) йылына аяҡ баҫасаҡбыҙ. Яңы йыл 2020 йылдың 25 ғинуарында башланасаҡ, тип көтөлә. Фәҡәт шул көнгә ҡәҙәр иң матур һәм изге тәктәребеҙҙе теркәп өлгөрөргә тейешбеҙ. Ә хәҙер иң мөһиме: "Һаҡмар" гәзитенең 2020 йылға яҙылыусылар араһында Сысҡан (ҡомаҡ) йылына ҡарата конкурс иғлан итәбеҙ. Шул уңай менән һеҙҙән шиғырҙар көтөп ҡалабыҙ.Конкурстың шарттары бик ябай: ошо яҙманы үҙегеҙҙең сәхифәгә алып ҡуйығыҙ һәм ул нығытылған булһын (өс яңылыҡтан да аҫҡа төшмәһен). Ижад емештәрегеҙҙе ошо һылтанмаға ташлағыҙ: https://vk.com/id121573296 (Лилиә Такаеваға). Конкурсҡа килгән шиғырҙарҙы гәзитебеҙҙең сайтына һалып барасаҡбыҙ.Еңеүсене 26 декабрҙә махсус программа аша һайлап аласаҡбыҙ. Һеҙгә Баймаҡ ҡалаһының “Заман” магазины хужаһы Таштимер Фәхрисламов бүләккә бик тә йылы һәм шәп юрған әҙерләгән!Шулай итеп, ҡаршы алығыҙ: бөгөн һеҙҙең ҡарамаҡҡа Гөлдәр әбей яҙған шиғыр!

Килен булып төшкәс,өй эсендә,

Мейес тирәһҽндә, аҡ сысҡан

Ҡатҡан икмәк ҡыштырҙата ине

Әйтерһең дә хужа, кем ҡушҡан.


Ҡурҡышымдан тапочкамды бәрҙем

Күрмәгәйнем әле аҡ сысҡан.

Ҡәйнәм һала икән, ул икмәкте

Өйҙөң ҡото икән, аҡ сысҡан.


Яҡын килмәй,китмәй урманға ла

Төйәк тапҡан уның өйөндә.

Сысҡан мҽнән мине таныштырҙы

- Ҡабул ит һин, сысҡан, киленде.


Әҙәп һаҡлаһам да көлгөм килә

Сысҡан хәҙер хужа үҙемә.

ҡәйнәм мәрхүм булғас, хәҙер миңә

Бик йыш ҡына сысҡан күрҽнә.


Ҡәйнәм төҫө кеүек, өйөм ҡото

Сысҡан хаҡын мин дә һаҡлайым.

Нигеҙ ҡотон тотам,тырышамын

Ҡәйнәм ышанысын аҡлайым.


Сысҡан йылы килә, нигеҙ ҡото

Ырыу ҡото ҡунһын ҡураға.

Бәхет йылы балҡыр, һәммәбеҙгә

Юлдар таҡыр булыр тураға.

Гөлдәр әбей.