"Райондың айыҡ ауылы" конкурсы тураһында

Конкурсанттар 30 ноябрға тиклем "Райондың айыҡ ауылы" исемле сара үткәреп, айыҡ тормошто пропагандаларға тейеш. Уның тәүге этабында конкурста ҡатнашыусылар эскелеккә, тәмәкегә, наркоманияға ҡаршы һәм һау-сәләмәт тормош өсөн көрәш алып барып һәм уның һөҙөмтәһе менән ойоштороусы комитетты таныштыра.

Икенсе этап - һайлап алыу туры 1 сентябрҙән үтә. Был юлы районда еңгән конкурсанттар ҡатнаша. Еңеүселәр 30 ноябргә тиклем билдәле була, тип ойоштороусылар хәбәр итә.

Республика этабына заявкалар 1 декабрҙән ҡабул ителә. Конкурсанттар ауылы менән сығыш яһарға тейеш булалар. Унан Интернет-һайлау юлы менән еңеүсе билдәләнә.

Хәтерегеҙгә төшөрәбеҙ, "Айыҡ ауыл-2019" конкурсы Башҡортостандың ауыл биләмәләре араһында үтә. Конкурста ҡатнашасаҡ ауылдан сыҡҡан йондоҙҙар, журналистар, йәмәғәт хеҙмәткәрҙәре үҙҙәренең миҫалында айыҡ тормошто пропагандалай ала. Социаль селтәрҙәрҙә, гәзит-журналдарҙа баҫылған яҙмаларҙа #Трезвоесело2019 йәки #Айыҡауыл2019 хештектарын ҡулланыу һәм ауыл, районды яҙып ҡуйыу талап ителә.

Конкурста еңеүселәр БР Хөкүмәте дипломын һәм аҡсалата премия ала:

— беренсе урын — 500 мең һум;

— икенсе урын — 250 мең һум;

— өсөнсө урын — 150 мең һум.

Аҡсалата бүләк ауыл биләмәһенә бирелә. Шулай уҡ йәнә финалға үткән 12 конкурсант 25 мең һум аҡса һәм диплом менән бүләкләнәсәк. Ә инде интернетта #Трезвоесело2019, #Айыҡауыл2019, хештегын ҡулланған 20 әүҙем ҡатнашыусы уҡытыусы, журналист, пенсионер, мәҙәниәт хеҙмәткәре, спортсы һ.б.БР Хөкүмәтенең дипломы һәм 10-ар мең премия менән бүләкләнә.

Тулыраҡ мәғлүмәтте http://kurultay-ufa.ru/ru/2019/04/09/положение-о-республиканском-конкурс-2/ сайтында алырға мөмкин.

Приложение №1

к Положению о республиканском

конкурсе «Трезвое село 2019 года»

среди муниципальных образований

(сельских поселений) Республики Башкортостан