"Тажлы"лар арта

Башҡортостанда тәүлек эсендә коронавирус менән ауырығандар һаны 195-кә еткән, тип хәбәр белдерҙеләр республиканың Һаулыҡ һаҡлау министрлығынан.

Пандемия башланғандан алып республикала бөтәһе 357 меңгә яҡын кеше сирләгән.

"Хәҙер 139 сирле стационарҙа дауалана, уларҙың 89-ы — оло йәштәгеләр, — тип билдәләнеләр Һаулыҡ һаҡлау министрлығында.  — Өй шарттарында 2,2 меңгә яҡны кеше дауалана, уларҙың 700-ө — 60 йәштән өлкән пациенттар".

Халыҡты вакцинациялауға килгәндә, Башҡортостанда 3,448 миллиондан ашыу кеше «коронавирусҡа ҡаршы» вакцинаның ике компонентын да алған.