+18 °С
Ясна
Ғүмер бит ул, шундай оҙон
Башы бар, тик, сиге юҡ.
Үлгәнсе лә бөтмәй торған
Эше бар, тик, көсө юҡ...
Сиратлашып килә әле
Ағы һәм ҡаралары...
Йәшәү менән үлемдең дә
Тар була аралары...
Тормош булгас сабыр итеп
Йәшәй белергә кәрәк.
Бер-береңә юл ҡуйыусы
Тик ниңәлер бик һирәк.
Сабырлыҡтың төбө алтын
Шуны белмәй күмәгебеҙ.
Иҫән булайыҡ, түҙемле булайыҡ
Тыныс булһын күгебеҙ.
Үткән юлыңа боролоп
Бер ҡасан да ҡарама.
Алға атла ,тормошоңдо
Сүп-сарҙарҙан арала...
Эшләп ашайыҡ, тәмен табып
Тыуар көнгә ҡыуанып.
Мал артынан ҡыумай ғына
Булғанына йыуанып.
Эльза Шагова.