Ике айҙа Башҡортостан халҡы аферистарға 700 миллион һум самаһы аҡса күсергән

Быйыл ике айҙа Башҡортостан халҡы мутлашыусыларға 700 миллион һум самаһы аҡсаһын биргән. Был хаҡта журналистар менән осрашыуҙа БР буйынса Эске эштәр министрлығының мәғлүмәт-коммуникация технологияларын законһыҙ ҡулланыуға ҡаршы көрәш идаралығы начальнигы урынбаҫары Азат Тимерйәнов хәбәр итте.

"Һуңғы йылдарҙа IT-енәйәттәр буйынса хәл теркәлгән осраҡтарҙың арта. Уларҙың яртыһы тиерлек-дистанцион мутлашыу. Былтыр улар 10 меңдән ашыу ине, быйыл ғинуар-февраль айҙарында 10,5 меңдән ашыу ине. Бындай енәйәттәр һаны артасаҡ тип күҙаллайбыҙ. 2022 йылда бындай мутлашыу төрөнән дөйөм зыян 1 миллиард һум тәшкил итте, 2023 йылда — 3,1 миллиард, 2024 йылда — 4,5 миллиард һум самаһы. Быйыл ғинуар — февраль айҙарында-700 миллион һум самаһы. Шуныһы иғтибарға лайыҡ: был иҡтисади яҡтан әүҙем айҙар түгел, ә ғинуарҙың яртыһы тиерлек һәм аферистар ҙа ял иткән осор. Ағымдағы хәлдә быйыл йыл аҙағына 2024 йыл күрһәткестәренән артып китәсәкбеҙ", - тип хәбәр итте БР буйынса Эске эштәр министрлығы вәкиле.

Азат Тимерйәнов һүҙҙәренсә, халыҡ менән профилактик эш беренсе урынға сыға. Сөнки бындай енәйәттәрҙе асыҡлауға ҡарағанда иҫкәртеү еңелерәк.