Шиғыр һөйләүселәр конкурсы

Иҫке Сибай урта мәктәбендә шиғыр һөйләүселәр конкурсы үтте. Унда 20 башланғыс класс уҡыусыһы ҡатнашты. Шиғыр һөйләүҙең үҙ нескәлектәре, серҙәре бар. Бында мөмкин тиклем образға инеү, авторҙың донъяға ҡарашын, уның нимә әйтергә теләгәнен аңлау мөһим. Шуға күрә бындай конкурстар уҡыусыларға декламация оҫталығын ғына түгел, актерлыҡ һәләтен дә күрһәтергә мөмкинлек бирә.

Конкурста ҡатнашыусыларҙың сығыштарын өлкән вожатый Кәримова Роза Фазыл ҡыҙы һәм Мөхәмәҙиева Азалия Айсыуаҡ ҡыҙы баһаланы. Жюри әҫәрҙең тексын һайлауҙы, телмәрҙең грамоталылығын, башҡарыу оҫталығын һәм һөйләүсенең сәхнәлә үҙен тотошона ла иғтибар итте. Уҡыусылар конкурсҡа етди әҙерләнгән, үҙҙәренең оҫталығын һәм үҙенсәлекле башҡарыуын күрһәтеп, бик яҡшы сығыш яһаны.