Йәш кешегә минең яуабым

Подслушано Баймак. 2.06.2022 г.вр.6.08.
Только анонимно, пожалуйста. Девочки . У меня ребёнок 2,5 года . Я начала пить. Чувствую, что меня затягивает . Помогите мне. Тяжёлый развод был..... вроде год прошёл . Ни один вечер без вина. С родными не могу об этом говорить. Напишите советы или просто . Поговорите со мной. Я спиваюсь...

Ошо яҙмаға яуап итеп яҙам:

Эйййй балаҡай... Һиңә бер кем дә ярҙам итә алмаясаҡ, үҙ яҙмышың һинең үҙеңдең ҡулыңда.
Эсмәгән саҡта бер ултырып уйланып ал, иртән уянғас, кис ятҡас уҙғандарыңды хәтерлә, киләсәгеңде күҙалла. Тирә-яғыңдағы эскеселәр нисек йәшәй икәнлеген иҫеңә төшөр, айыҡ тормош алып барыусылар нисек йәшәй, шул турала уйлан. 

Һинең эсә башлауың айырылыуҙан ғына килеп сыҡмағандыр, бының сәбәбе төптәрәктер. Кейәүгә сыҡмаған, өйләнмәгән саҡта кисәләрҙә, аулаҡта һыра, араҡы ауыҙлағанһыңдыр, бәлки ата-әсәйең, өләсәй-ҡартатайҙарың да ҡунаҡ-төшөмдө яратҡандарҙыр, был да гендарҙан күсәгилешлек.
Уйланған саҡта һин үҙеңдең эскесе ҡатын-ҡыҙҙарға ниндәй ҡарашта икәнлегеңде асыҡла, ерәнгес түгелме, ир-аттың уларға ҡарашы нисек.Ә һиңә ҡарап ҙурайған балаҡайың эсһә уға ла һәр кем ерәнеп ҡараһа үҙеңә нисек булыр, ауыр булыр , һин ғәзиз балаңа шундай мөнәсәбәт теләйһеңме? Урыҫтар күп йыллыҡ тәжрибәнән сығып, "Баба пьяная,...чужая" тип дөрөҫ әйткәндәрҙер. Йәки уға ҡарап һөйгән егете, уның туғандары, ул эскесе балаһы, тип әйтеүҙәрен ишеткең киләме? Ваҡытында туҡтала алмаһаң, тиҙ үк уны детдомға ла алып китеүҙәре мөмкин, унда һәр кемдең типкеһендә үҫкән балалар йөрәк яраһы алып сыҡҡанлығын күптәр белә, балаҡайыңдың киләсәген уйла. Әле һин тормошоңдоң уңышһыҙлыҡтарында уны ғына ғәйепләйһеңдер, сөнки ул көсһөҙ, яуапһыҙ, үҙен яҡлай алмай, ә һин нервылы, үҙеңде көсөргәнешле тормошта йәшәйем тип уйлайһың, үҙеңде кәмһетелгән итеп тояһың.Улай уйлама, күптәр теләп тә бала таба алмай, йә ғәрип тыуа балалары, бына уларға ауыр, ә улар көрәшә, бер ҙә ауыр тип араҡыға ябырылмайҙар, һинең балаҡайың һау- сәләмәт, үҙең ғәрип-ғөрәбә түгелһең, әгәр үҙеңде тотмаһаң тиҙҙән күңелең ғәрипкә әүерелеүеңде көт тә тор, тән ғәриплеге лә оҙаҡ көттөрмәҫ, ғүмер тиҙ үтә, ә араҡы ағыуы кешене өс-дүрт айҙа бөгә ала. Әлегә эскәнеңде күп кеше белмәйҙер, белһә лә яттар өндәшмәйәсәк, уларға һинең тормошоң ҡағылмай, тик артыңдаң сәйнәргә генә булһын да, һин күргәҙмә материал буласаҡһың араҡынан арыныусыларға .Ә яҡындарың асыуланыр, туҡмап алһалар ҙа хәләл, улар һиңә тик яҡшылыҡ теләйҙәр, дөрөҫ юлға төшөрөргә тырышалар.
Бер ағайҙы беләм, уға 67 йәш, ҡыҙы эскесегә һалынғас, күп тапҡыр кодировкаларға йөрөтһә лә ярҙамы теймәгәс, хәҙер түләүле больницаға ике йылға урынлаштырҙы. Ай һайын 50 мең түләй, кредиттар..., пенсия, тағы ҡарауылсы булып төндәрен эшләй, көндөҙҙәрен калымға сыға. Балаһын эскелек һаҙлығынан ҡотолдорорға теләй, көсәнә, һыҙлана. Тик күҙәтеүҙәр буйынса ҡатын-ҡыҙҙы дауалап булмай, улар эскелекте тик ихтыяр көсө менән генә еңә ала.Һин үҙ балаңды ошолай һөйрәй алырһыңмы, әгәр һинең юлыңды ҡабатлаһа, әсәйеңдәргә лә ошо көндәрҙе күрергә тура килмәҫме? Уларҙың һаулығы, көсө етерме?Ә күптәр балаларын ҡотҡара алмай теге донъяға оҙаталар, улар ҡалған ғүмерендә ҡан-илап ғүмер кисерәләр, көсһөҙлөктән ғажиз булалар.
Ғүмер тиҙ үтә, бер көн хәтлем генә үтә үткән тормош, үкенескә генә булмаһын үткәнең.Һин ир өсөн йәшәмәйһең, үҙеңдең йәшәүеңде уйла балаҡай, балаңдың киләсәген уйла, эскесе бала һиңә кәрәкме?Бала, көҙгөләге үҙеңдең сағылышың икән ул, мин быны үҙемдең тормошомдан алып әйтәм.
Гөлдәр әбей.