Балаларҙы һөйөндөрҙөләр

Кисә, Ураҙа айыты көнөндә, Баймаҡ ҡалаһының Көньяҡ биҫтәһендә йәшәүсе Наҙгөл Фәрит ҡыҙы менән Фәнис Сирғәле улы Уразбаевтар балаларҙы шәкәр мамығы эшләп биреп һөйөндөрҙөләр. 

Уразбаевтар ғаиләһе үҙҙәре "Наҙгөл" тип аталған кафе ла тоталар. Заказға ҡамыр аштарын да бешереп бирәләр. Бөгөн ҡаланың 5-се мәктәбе уҡыусыларының һәр береһе тиерлек кисә әйенселәгән саҡта алған татлы шәкәр мамығы тураһында һөйләне. 

Был ғаиләгә афарин, тип әйтергә генә ҡала.