Ғаилә йылында парҙар ишәйә

Башҡортостанда Ҙур һәм татыу ғаилә йылында гөрләп туйҙар үтеүе һөйөндөрә. Алтын көҙҙә тағы бер ғаилә барлыҡҡа килде. Муллаҡай ауылы һылыуҡайы Ҡаһарманова Илзирә Ғәфүр ҡыҙы һәм Түбәнге Иҙрис ауылы батыры Миҙәтғәлин Илназ Хәйҙәр улы һөйөүҙәрен мәңгеләштереп ҡауышты.

Килен төшөргән "Зарифа"  ансамбленә афарин!

Ҡотло булһын никах туйығыҙ,

Уртаҡ булһын һеҙҙең уйығыҙ.

Бәхет шишмәләре мул аҡһын,

Фәрештәләр һеҙҙе һаҡлаһын!

Илебеҙҙә ғаиләләр өсөн "Демография" милли проекты эшләй.