Һөйөнсө! Ашығыс ярҙам дауаханаһы дезинфекция үткәндән һуң ҡабаттан эш башланы

Хәтерегеҙгә төшөрәбеҙ, бөгөн Өфөләге ашығыс ярҙам дауаханаһы дезинфекцияға ябылғайны. Был турала беҙ яҙып сығарғайныҡ инде. Дауахананың баш табибы Ирина Карамова социаль селтәрҙә яҙып үтеүенсә, коронавирус инфекцияһына шик булған ауырыуҙы алып килгәндән һуң, дауахананы дезинфекциалау өсөн ябып торалар. Ирина Карамова өфөлеләрҙе ялған хәбәрҙәргә ышанмаҫҡа, тыныслыҡ һаҡларға саҡырҙы, дауахананың оҙаҡламай асылыуы тураһында хәбәр итте.

Әйтте һәм һүҙендә торҙо. Дезинфекция эшләп тә бөттөләр, дауахананы асып та өлгөрҙөләр. Хәҙер ул элекке режимда эшләй.