Ҡаҙ өмәләре башланды

Әхмәр ауылында ҡаҙ өмәләре башланған. Был хаҡта социаль селтәрҙә Миңза Ишйәрова белдерә. -Күршеләремә рәхмәт! Ҡаҙ өмәһе гөрләттек. Имен-һау ашарға яҙһын! Һау булайыҡ, бергә булайыҡ, донъялар тыныс торһон! - тип яҙа Миңза апай. Амин! Шулай булһын! Көндәр һыуытыу менән, ҡаҙ өмәләре башлана. Халҡыбыҙҙың матур йолаларына ярашлы, был өмәгә иң уңған, егәрле ҡатын-ҡыҙҙар саҡырыла. Уларҙың тилбер ҡулдары тиҙ арала эште тамамлап та ҡуя. Ә һеҙҙең яҡтарҙа ҡаҙ өмәләре башландымы?