Ҡаты талапҡа ике аҙна ҡалды

Бөгөнгө БР Хөкүмәтенең оператив кәңәшмәһендә коронавирустан вакцина яһамаған кешеләрҙе ике аҙнанан эштән ситләштерә башлаясаҡтары тураһында әйтелде. Был хаҡта Роспотребнадзор етәксеһе Анна Казак белдерҙе. Уның әйтеүенсә республика предприятиеларының күпмелер өлөшө был эште 18 декабрҙә башлаясаҡ. 30 декабрҙән иһә вакцина эшләтмәгән сәнәғәт һәм ауыл хужалығы предприятиеларының һәр хеҙмәткәрен мотлаҡ рәүештә эштән ситләштереү башлана икән.

“Роспотребнадзорҙың тикшереүе ваҡытында предприятиеларҙа ковидтан вакцина яһатмаған хеҙмәткәрҙәр билдәләнһә, предприятиеның эшен 90 тәүлеккә тиклем туҡтатыу ҡараласаҡ”,-тине Анна Казак.

Гүзәл Иҫәнгилдина.