Бер бик бай егеттең өс йөрөгән ҡыҙы булған. Барыһы ла килеп тороп матур, яҡшы икән, тей. Егет уларҙың кемеһенә өйләнергә белмәй аптыранған. Унан әмәлен тапҡан. Ҡыҙҙарҙы йыйып алған да: “Мин һеҙҙең һәр берегеҙгә 5 мең доллар бирәм.Үҙегеҙҙе минең ҡатыным икән тип күҙ алдына килтерегеҙ. Был аҡсаны нисек тотонор инегеҙ? Шуға ҡарап берегеҙҙе кәләш итеп һайлап алам”,-тигән.
Беренсе ҡыҙ матурлыҡ салонына йүнәлгән. Макияж, маникюр, педикюр эшләткән, унан ҡиммәтле кейем һатып алған. Егеткә килгән дә: “Мин бар аҡсаны үҙемә тотондом. Сөнки һинең өсөн генә иң матур булғым килә. Сөнки мин һине бик яратам”,-тип белдергән.
Икенсе ҡыҙ электрон магазинына барып иң сифатлы көнкүреш техникаһы һәм ҙур телевизор һатып алған. “Ҡәҙерлем, мин был бүләктәрҙе һинең өсөн һатып алдым. Сөнки мин һине бик яратам”,-тигән.
Өсөнсө ҡыҙ аҡсаны биржаға һалған, унан икеләтә күбәйтеп, бер өлөшөн яңы эшкә һалған. Ә икенсе өлөшөн егетенә биргән һәм: “Һөйөклөм, мин аҡсаны беҙҙең киләсәгебеҙ өсөн һалып ҡуйҙым. Сөнки мин һине бик яратам”,-тип егеткә һыйынған.
Егет ҡыҙҙарҙың кемеһе аҡсаны дөрөҫ тотонған тип баш ватҡан-ватҡан да һөҙөмтәлә ... иң ҙур түшлеһен кәләш итеп алған.
Шуға күрә төрлө һынамыш-имтихандарға түгел, ә йөрәгегеҙгә ышанығыҙ.
Гүзәл Иҫәнгилдина.