+14 °С
Болотло
Бөтә яңылыҡтар
Ҡыҫҡаса
29 Ноябрь 2018, 12:44
Бер проБлема ла иғТиБарһыҙ ҡалмаясаҡ
Һуңғы йылдарҙа халыҡты борсоған һорауҙар бигерәк күбәйеп китте. Уйнап түгел, аптыраған көндән "Бәйләнештә" селтәрендә улар һорауҙарын яҙып ҡалдыралар. Ошо турала тулыраҡ мәғлүмәтте сайттан уҡығыҙ.
“Сибай-Күсей-Хәлил автомобиль юлын ҡасан төҙөп бөтөрҙәр икән? Халыҡ ошо проблеманың ыңғай хәл ителеүен күптән көтә”.
Был һорауға район хакимиәте башлығы урынбаҫары Динар Хәлитов яуап бирә:
“Сибай-Күсей-Хәлил юлы – Башҡортостан Республикаһы Юл хужалығы идаралығы ҡарамағында. 2016-2018 йылдарҙа был юлдың 15 километрына капиталь ремонт яһалды. Баймаҡ районы хакимиәте БР Юл хужалығы идаралығына 2019-2021 йылдарҙа юлды ремонтлауҙы дауам итеү өсөн уны территориаль заказға индереүен һорап мөрәжәғәт итте. Һорауҙарығыҙ менән 3-11-96, 3-10-20 телефондарына шылтырата алаһығыҙ”.
"Аҡморон, Сәйғәфәр, Йомаш, Юлыҡ һәм Ишбирҙе тарафтарына юл бик насар. Ҡасан юлдарҙы рәтләрҙәр икән?”
“Юлдарҙың торошо – бар республикаға хас етди проблема. Уны хәл итеү өсөн байтаҡ аҡса кәрәк. Һеҙҙең юл капиталь ремонт талап итә. БР Юл хужалығы идаралығынан алынған мәғлүмәткә ҡарағанда, уны 2020 йылда ремонтлаясаҡтар. Шуға тиклем Баймаҡ ДРСУ-һы юлдың торошон яҡшыртыу менән шөғөлләнәсәк”, – тип хәбәр иттеләр район хакимиәтенән.
“Казанка ауылы янын дағы рөхсәт ителмәгән ҡыйлыҡ ҙур хәүеф тыуҙыра, етмәһә эргәлә генә Төйәләҫ йылғаһы. Ҡасан тәртипкә һалырҙар?”
Район хакимиәте башлығының иҡтисад буйынса урынбаҫары Динар Хисмәтуллин билдәләүенсә, Казанка ауылы янындағы рөхсәтһеҙ ҡыйлыҡ бөтөрөләсәк. Был проблема ошо йылдың 1 декабренә ҡәҙәр ыңғай хәл ителәсәк. Әйткәндәй, Әхмәр һәм Абҙаҡ ауыллдарындағы рөхсәтһеҙ ҡыйлыҡтар ҙа бөтөрөлгән.
“Беҙ Иҫке Сибай ауылындағы Мостай Кәрим урамында йәшәйбеҙ.Урамда яҡтылыҡ та, газ да, юл да юҡ . Шул арҡала маршрут автобусы ла йөрөмәй. Ә бит беҙҙең урамда күп балалы ғаиләләр йәшәй. Уҡыусылар беренсе һәм икенсе сменала уҡый, кис мәктәптән фонарик яҡтыртып ҡайта. Яҙғы-көҙгө осорҙа юлдарҙан үтеп булмай...”
Район хакимиәтенән хәбәр итеүҙәренсә, Иҫке Сибайҙа 2019 йылда “Урындағы башланғыстарҙы яҡлау” программаһы буйынса урамдарҙы яҡтыртыу проблемаһын хәл итеү күҙ уңында тотола. Барлығы 100 яҡтыртыу приборы ҡуйыу планлаштырыла. Урам фонарҙәренең һаны унда йәшәүселәрҙең нисек аҡса йыйыуына бәйле. Юлдарға килгәндә, 2017-2018 йылдарҙа Ғ.Сөләймәнов, М.Сибаев, Ғ.Яҡупов, Аҡмулла һәм З.Биишева урамдарына ҡырсынташ түшәлгән. Киләһе йылда был эш Һ.Дәүләтшина һәм М.Кәрим урамдарында башҡарыласаҡ. Шулай уҡ микрорайонға газ үткәреү өсөн проект эштәренә заявка әҙерләнгән.
“Иҫке Сибай мәктәбенең авария хәлендә булыуы ҙур хәүеф тыуҙыра. Был хәл ҡасанға тиклем дауам итерикән?”
Район хакимиәте билдәләүенсә, Иҫке Сибай мәктәбе тураһындағы хәлде республика етәкселеге яҡшы белә һәм ул даими контролдә тотола. Бөгөн ошо проблеманы ыңғай хәл итеү юлдары өйрәнелә. Был хаҡта гәзиттә хәбәр итербеҙ. Проблемалар һәм һорауҙар менән район хакимиәтенә яҙма рәүештә мөрәжәғәт итергә, шулай уҡ район хакимиәтенең рәсми сайтына, “Бәйләнештә” селтәрендәге “Баймаҡ районы муниципаль район хакимиәте” рәсми төркөмөнә яҙырға мөмкин. Район хакимиәте һеҙҙең мөрәжәғәттәргә яуап биреп барасаҡ.
Читайте нас в
Телефон
(34751)31326
Электрон почта
Адресы
453630, Республика Башкортостан, Баймакский район, г. Баймак, пр-т С. Юлаева, 38
Реклама хеҙмәте
(34751)31337
Редакция
(34751)21499
Ҡабул итеү бүлмәһе
(34751)31326
Хеҙмәттәшлек
(34751)21499
Кадрҙар бүлеге
(34751)21838