Рәсәй Армияһына - ГТО нормаһы менән!

Баймаҡ районының юғары класс һәм һөнәр уҡыу йорттарында белем алыусы егеттәр Бәхтегәрәй ауылы эргәһендә хәрби әҙерлек курсы үтә. Улар "Хеҙмәткә һәм оборонаға әҙер" Бөтә Рәсәй физкультура-спорт нормативтарын тапшырып, яҡшы һөҙөмтәләргә өлгәште. Юғары класс уҡыусылары 7 төр һынау тотто. Комиссия ағзалары алтын, көмөш һәм бронза билдәләргә лайыҡ булыусыларҙы билдәләне.