Ишейҙә ир-егеттәр ҡоро эш башланы

Бөгөн Ишей ауылында Ир-егеттәр кәңәшмәһе үтте. Уны рәйесе Замир Сәфәрғәлин алып барҙы. Республика Ирҙәр ҡоронгда ҡатнашҡан Мөхтәр Ҡарасурин форумда яңғыраған фекерҙәр менән уртаҡлашты, тәҡдимдәрҙе еткерҙе. Һуңынан ир-егеттәр кәңәшмәлә урында башҡарыласаҡ эштәр, көнүҙәк мөһим мәсьәләләрҙе ҡараны. Ауылды сүп-сарҙан таҙартыу, төҙөкләндереү эштәрен дауам итеү буйынса фекерҙәр яңғыраны. Халҡыбыҙҙың боронғо ярыш төрө - уҡтан атыу йолаһын киләһе быуынға күрһәтеү маҡсатында Урал аръяғы райондарының мәргән уҡсылары менән йыйын үткәрергә, тигән ҡарар ҡабул ителде.

Венера Ҡасҡынова,

Ишей ауылы ҡатын-ҡыҙҙар советы рәйесе.