Тауыш биреү ҡасан үтәсәк?

Мәғлүм булыуынса, Конституцияға үҙгәрештәр индереү буйынса тауыш биреү 22 апрелдә үтергә тейеш ине. Ләкин коронавирусҡа бәйле, ул мөһим сара кисектерелгәйне. Әле бына Үҙәк һайлау комиссияһы РФ Конституцияһына төҙәтмәләр индереү буйынса тауыш биреүгә әҙер булыуҙары хаҡында белдерҙе.

Мәскәү Йәмәғәт палатаһының Гражданлыҡ йәмғиәтенең үҫеше һәм йәмәғәтселекте күҙәтеү буйынса комиссияһы рәйесе Алексей Венедиктов хәбәр итеүенсә, тауыш биреүҙең яҡынса көнө итеп 24 июнь тәғәйенләнә. Ләкин датаның тағы ла үҙгәреүе ихтимал.