Интернетта тик яҡшы мәғлүмәт кенә алып булмай, унда "ҡараһы" ла етерлек

Интернет тормошобоҙҙо бөтөнләйе менән солғап алды, тиһәк тә хата булмаҫ, моғайын. Виртуаль донъяла ғына хәлдәрҙе белешәбеҙ, хат яҙышабыҙ, фото һәм видео менән бүлешәбеҙ, танышабыҙ, төрлө түләүҙәрҙе башҡарабыҙ, музыка тыңлайбыҙ һәм башҡалар. Хәҙер йәше - ҡарты ошо глобаль интернет донъяһында "йәшәй". Ләкин тәү ҡарашҡа хәүефһеҙ күренгән интернет селтәренең зыяны ла ҙур.