Пассажир автобусы янған

Бөгөн көндөҙ Салауат ҡалаһының Салауат Юлаев бульварында 36-сы маршрут буйынса пассажирҙарҙы хеҙмәтләндергән «Газель» пассажир автобусы янған..

Утты ваҡиға урынына килеп еткән ҡотҡарыусылар һүндергән. Көрәшкә 4 берәмек техника һәм 9 хеҙмәткәр йәлеп ителгән.

Пассажирҙар автобустан үҙаллы сыҡҡан. Һәләк булыусылар һәм зыян күреүселәр тураһында хәбәр ителмәй. 

Сығанаҡ: Яңылыҡтар-Башҡортостан юлдаш телевидениһы.