Һыуыҡ килеш тоҙланған скумбрия

Pаccoл өсөн:
2 литр һыу 

8 аш ҡалағы тоҙ 

4 аш ҡалағы шәкәр 

4 ус һуған ҡабығы

тәменә ҡарап тәмләткестәр

Рассолды ҡайнап сыҡҡас 15 минут тирәһе һүрән утта быҡтырабыҙ. 

Бүлмә температурыһындай булғансы һыуытабыҙ ҙа һөҙәбеҙ. 

Балыҡтың башын ҡырҡабыҙ, эсен таҙартабыҙ, йыуабыҙ. Унан тоҙлау өсөн ҡулланырға әҙерләнгән һауытҡа һалабыҙ. 

Өҫтөнә рассолды ҡойоп, ауыр нәмә менән баҫтырып ҡуябыҙ. 

Балыҡтың тоҙланғанын 2.5-3 тәүлек көтәбеҙ. Был ваҡыт эсендә балыҡты улай-былай әйләндергеләп торорға онотмағыҙ. Һары төҫкә инергә тейеш. 

Әхер инде балыҡты ҡыҫтырғыстар менән элеп ҡуябыҙ. Һыуы һарҡһын өсөн аҫтына һауыт ултыртырға онотмағыҙ!

Әгәр балыҡты төнгә ҡарай элеп ҡуйһығыҙ, ул таңға әҙер була. Тик бына тиреһе тартылып торған кеүек тойолор. Бынан сығыу юлы бар: түҫемлек майы менән уны майлайбыҙ. 

Ашығыҙ тәмле, өҫтәлегеҙ йәмле булһын!