Ярат ауылы мәсете

Ярат ауылы мәсете

Ике йөҙ йыл ти мәсеткә
Белмәйем аныҡ.
Ҡарағастан һалынған ул
Һаман да бик ныҡ.

Бай тол ҡатын әйткән, һөртөп
Йәш баҫҡан күҙен:
Ирем хөрмәтенә мәсетте
Күтәртәм үҙем.

Ошо ауылдан булған ул
Ярат ҡарт ҡыҙы
Онота алмаған иренең
Хөрмәтен, наҙын.

Мәрхүм рухына эшләнгән
Сауаплы аҙым
Күркәм мәсет ҡалҡып сыҡҡан
Шул уҡ йыл яҙын.

Нисәмә йылдар ултыра
Изге дин йорто
Иманлы итеп халыҡты-
Ауылдың ҡото.

 

Сынтимер Юлыев.