+24 °С
Облачно
Дин һәм иман
16 Декабря 2021, 03:20
Уйҙарыбыҙ яҡты булһын!
Кесе йоманы изге теләктәр менән башлайыҡ! Ниндәй уйҙарға көйләнәбеҙ - тормошобоҙ шулай бара.
Кесе йоманы изге теләктәр менән башлайыҡ! Ниндәй уйҙарға көйләнәбеҙ - тормошобоҙ шулай бара.
Бир, Хоҙайым!
Бир, Хоҙайым, күңел тыныслығы,
Шатланырлыҡ яңы һәр көнгә,
Бир, Хоҙайым, миңә көс, йәшәрлек
Шөкөр итеп бары бөгөнгә.
Бир, Хоҙайым, һаулыҡ, кеше көнлө,
Кеше ҡулдарына ҡалмаҫлыҡ,
Бир, Хоҙайым, байлыҡ, хәләл малды
Бер кем минән тартып алмаҫлыҡ.
Бир, Хоҙайым, бөтә яҡындарым
Рәхәтлектә ғүмер кисерһен,
Ғәйептәрем булһа, эй Хоҙайым,
Кемде рәнйеткәнмен – кисерһен.
Бир, Хоҙайым, миңә мөмкинселек
Башҡаларға ярҙам итерлек,
Ҡартлыҡ килеп еткәс, эй Хоҙайым,
Кешем булһын ярҙам көтөрлөк…
Бир, Хоҙайым, таҙа намыҫ менән
Ғүмер юлын йәшәп үтергә,
Бир, Хоҙайым, бурыс-үкенесһеҙ
Фани донъяларҙан китергә.
Фируза Абдуллина.
Фото интернеттан алынды.
