Боронғоларҙан ҡалған шәп рецепт

Көндәр ошолай бер һыуытып, бер йылытып торғанда ғәҙәттә кеше ауырып бара. Боронғоларҙан ҡалған рецепт менән бүлешәбеҙ. Үҙегеҙгә һаҡлап ҡуйырға онотмағыҙ!

Бокалға, сынаяҡҡа (кемгә нисек уңайлы) 1 аш ҡалағы ҡурай еләге ҡайнатмаһын, 1 аш ҡалағы бал, 1 аш ҡалағы лимон һуты, 1 аш ҡалағы коньяк, 1 таблетка аспирин һалып болғатабыҙ ҙа, өҫтөнә ҡайнар һыу ҡойоп, эсәбеҙ.

Унан йәһәт кенә юрған аҫтына сумабыҙ. Телефонға текләп йә телевизор ҡарай-ҡарай ойоп китәбеҙ.

Икенсе көн иртән күтәренке кәйеф менән уянабыҙ!

Һау-сәләмәт булығыҙ!