Шыйыҡ майҙың файҙаһы

Ошо ысулды миңә бер инәй өйрәтте. “Күптән шулай дауаланам. Ауыр ҙа түгел, әммә тештәрем яҡшырҙы, нығыны, эс ҡатыуҙың нимә икәнен оноттом”,-тине ул. 1 аш ҡалағы үҫемлек майын (көнбағыш йәки арахис майы) ауыҙығыҙҙа тотоп, уны 15-20 минут кәнфит кеүек һурып йөрөргә кәрәк. Майҙы йоторға ярамай! Уны төкөргәндә ул ап-аҡ булырға тейеш. Әгәр һары булһа, тимәк майҙы ауыҙҙа оҙағыраҡ тоторға кәрәк. Төкөргән шыйыҡса бик ныҡ инфекциялы була, шуға күрә уны ергә күмергә йәки санузелға төкөрөү мөһим. Был ябай ысул яман шеш сирҙәрен профилактикалай, тәнде тулыһынса таҙартып сығара. Уны иртәнге аш алдынан йәки йоҡлар алдынан эшләргә кәрәк. Тиҙерәк дауалау һөҙөмтәһен күрергә теләүселәр, көнөнә бер нисә мәртәбә лә эшләй ала.