Ауылдарҙа юлдар ремонтланды

Һуңғы осорҙа Ишмөхәмәт ауыл биләмәһенә ҡараған ауылдарҙа юлдарҙы ремонтлау, урамдарҙы яҡтыртыу, төҙөкләндереү, һыу объекттарын яңыртыу,янғынға ҡаршы көрәш буйынса ҙур эштәр алып барыла.

Ишмөхәмәттә ошо көндәрҙә Шайморатов, Дауыт, Һ.Дәүләтшина,С.Юлаев һәм Гагарин урамдарында барлығы 2,4 км оҙонлоғонда юлдар ремонтланған, ҡырсынташ түшәлгән.Был эштәрҙе Шамил Ирназаровтың шәхси предприятиеһы атҡарып сыҡҡан, Баймаҡ ДРСУ-һы ла ҙур ярҙам күрһәткән.
Ошо арала ауылдағы ике күпер ҙә
ремонтланасаҡ.
Янғаҙы ауылында Зәки Вәлиди урамы юлы ла ремонтланды - бында 250 метр араға ҡырсынташ түшәлде.
Байышта иһә Урғаҙа урамында - 600, Коммунистик урамында 100 метр араға таш йәйелде.Бер үк ваҡытта Урғаҙа урамына тулыһынса яҡтыртыу лампалары ҡуйылды.