17 ноябргә ҡарата һынамыштар

17 ноябргә ҡарата һынамыштар

Алыҫтан урман ҡарайып күренһә - көн йылытыр.

Ҡояш тирәләй аҡ балдаҡтар күренһә - буран сығасаҡ.

Был көн урыҫтар өйҙән бер нәмә лә сығарырға ҡушмай. Хатта бәләкәс кенә осҡон да. Был аҡсаға ла ҡағыла – кешегә үтескә биреп торорға ярамай. Кире осраҡта үҙ бәхетеңде кешегә бирәһең, тигән ырым бар.

Өйөгөҙҙө яман күҙҙәрҙән һаҡлау, ҡурсалау өсөн тәҙрә төбөнә миләш емештәре, ат дағалары һалып ҡуйырға онотмағыҙ.

Әгәр ҙә ирегеҙҙән ыҙа сигеп йәшәй икәнһегеҙ, был көндө уны бер ҡайҙа ла сығармай, өйөгөҙҙә тоторға тырышығыҙ – шул саҡта быға тиклемге яман ҡылыҡтарын онотоп, өйөнә генә бәйләнеп йәшәйәсәк.

Бөгөнгө көнгә бәйле ырымдар шуны һөйләй. Ышанырғамы, юҡмы – һеҙҙән тора.