Иң йәш диктант яҙыусы ҡыҙыҡай - Баймаҡтан!

Мәғлүм булыуынса, 25 апрелдә башҡорт теленән халыҡ-ара диктант яҙыу акцияһы үтте.

Унда бөтә донъянан 305 600 кеше ҡатнашҡан!

Акцияла ҡатнашыусы иң оло кешегә - 96 йәш, ул Ишембай районынан.

Ә бына иң бәләкәй ҡатнашыусыға ни бары 5 йәш ине һәм уның Баймаҡтан булыуы беҙҙә ҙур ғорурлыҡ тыуҙырҙы.

Шул уҡ ваҡытта сос ҡыҙыҡайҙың кем икәнен белергә теләү ҙә ҙур һорау тыуҙыра ине. Һеҙҙә лә шундай ҡыҙыҡһыныу булғандыр, моғайын. Таныштырырға ашығабыҙ. Ул - Таулыҡай ҡыҙы Нәйлә Байегетова булып сыҡты. Бәләкәй булыуына ҡарамаҫтан, уның отҡорлоғо һоҡланыу ғына тыуҙыра. Афарин!